హ‌రీష్.. కేసీఆర్ రికార్డును బ‌ద్ద‌లు కొడ‌తాడా?

December 2, 2018 | News Of 9

 

Can Hareesh break KCR's record?? | news of 9

తెలంగాణ ఉద్యమ కేంద్రంగా, టీఆర్ఎస్ పార్టీకి కంచుకోటగా సిద్ధిపేటకు ప్రత్యేక గుర్తింపు ఉంది. 2 ల‌క్ష‌లా 5 వేల 802 మంది ఓట‌ర్లు ఉన్న ఈ నియోజ‌క‌వ‌ర్గం నుంచి ఆరవ‌సారి విజయం సాధించేందుకు హరిశ్‌రావు ముమ్మరంగా ప్రచారం చేస్తున్నారు. ఈ సారి హ‌రీశ్ గెలుస్తూ డ‌బుల్ హ్యాట్రిక్ ఖాయ‌మ‌నే ధీమాతో టీఆర్ఎస్ శ్రేణులు ఉన్నాయి.

 

నిజానికి సిద్దిపేట‌ స్థానం నుంచి టీఆర్ఎస్ పార్టీ ప్రతిసారి భారీ ఆధిక్యంతో గెలుస్తూ వ‌స్తోంది. సిద్ధిపేటను జిల్లాగా ఏర్పాటు చేయడం, ఇక్కడ చేసిన అభివృద్ధి కార్యక్రమాలతో మరోసారి తన గెలుపు ఖాయం అని హరీశ్ భావిస్తున్నారు. ఇక్కడ ప్రజాకూటమి అభ్యర్థిగా టీజేఎస్ నుంచి భవానీ రెడ్డి తొలిసారిగా బరిలో దిగుతున్నారు. బీజేపీ నుంచి పార్టీ జిల్లా అధ్యక్షుడు నాయిని నరోత్తమ్ రెడ్డి పోటీ చేస్తున్నారు.

 

టీఆర్ఎస్ అధినేత కేసీఆర్‌ తన రాజకీయ ప్రస్థానాన్ని ఇక్కడి నుంచే ప్రారంభించారు. కేసీఆర్ ఆరు సార్లు ఇక్కడి నుంచి గెలుపొందారు. ఇప్పుడు ఆ రికార్డును సమం చేయాలని హరీశ్ ప్రయత్నిస్తున్నారు. 2004 ఉపఎన్నికల్లో తొలిసారి ఎమ్మెల్యేగా గెలిచిన హరీశ్‌రావు ఆ తర్వాత వెనుతిరిగి చూసుకోలేదు. 2008, 2010 ఉపఎన్నికలు, 2004, 2009, 2014 సాధారణ ఎన్నికల్లో సునాయాసంగా గెలుస్తూ వచ్చారు. రికార్డు మెజారిటీతో గెలుపొందారు. ఈ సారి కూడా ల‌క్షా మెజారిటీతో గెలుపు ఖాయ‌మ‌నే ధీమా టీఆర్ఎస్ వ‌ర్గాల్లో క‌నిపిస్తోంది.

Other Articles

Leave a Reply

Your email address will not be published. Required fields are marked *