ప్రజా కంటకులకు చరమగీతం-జనసేన విజయం!!

(న్యూస్ ఆఫ్ 9)

2009ని పవన్ కళ్యాణ్ ఎన్నటికీ మర్చిపోలేరు. రాజ్యాధికారానికి గత 70 ఏళ్లుగా దూరంగా ఉన్న కులాలన్నింటికీ రాజకీయాల్లో చోటు కల్పిస్తూ… ‘‘సామాజిక న్యాయం’’ నినాదంతో ప్రజారాజ్యం పార్టీ ప్రారంభమైతే… అది ఆధిపత్యకులాల గుండెల్లో బాకులా దిగింది. అందుకే… చిరంజీవి పక్కనే ఉంటూ కొందరు వెన్నుపోటు పొడిచారు. టిక్కెట్లు అమ్ముకున్నారనీ, అసలు ప్రజారాజ్యం పార్టీని పెట్టించిందే వైఎస్ రాజశేఖరరెడ్డి అనీ రకరకాల పుకార్లను మీడియాలో ద్వారానూ, ప్రైవేటు సంభాషణల ద్వారానూ ప్రచారంలో పెట్టి ప్రజారాజ్యం పార్టీని పురిటిలోనే చంపేశారు. ప్రజారాజ్యం వెన్నుపోటుకు సంబంధించిన కోపాగ్ని పవన్ కళ్యాణ్ లో రగులుతూనే ఉంది. రెండు ఆధిపత్య కుటుంబాలే రాజ్యాధికారాన్ని అనుభవిస్తున్నపుడు కొత్తగా వచ్చే మూడో వర్గం సహజంగానే ఇద్దరికీ శత్రవుగా మారుతుంది. ప్రజారాజ్యం పెట్టిన 2009కీ, 2019కీ పెద్ద తేడా ఏమీ లేదు. ఇప్పటికీ అదే కక్ష, అదే ఈర్ష్య ఆ రెండు ఆధిపత్యకులాల్లో ఉన్నాయి. అయితే, రెడ్డివర్గం, లేదా కమ్మ వర్గం మధ్యలోనే రాజకీయాలు ఉండాలన్నది వారి కుటిలనీతి. అందుకే కమ్మ, రెడ్డి వర్గాలు కలిసిపోయి చాలా సహజ మిత్రుల్లా ఇపుడు వైసీపీ పంచన చేరుతున్నాయి. కమ్మ సామాజిక వర్గానికి చెందిన యార్లగడ్డ లక్ష్మీప్రసాద్ సోమవారం వెళ్లి వైసీపీ అధినేత జగన్మోహనరెడ్డిని కలవడాన్ని ఎలా అర్థం చేసుకోవాలి? ఇప్పటికే మోహన్ బాబు, నార్నే శ్రీనివాసరావు, విజయ్ ఎలక్ట్రికల్స్ యజమాని దాసరి జైరమేష్, దాసరి బాలవర్థనరావు, పొట్లూరి వర ప్రసాద్ (పీవీపీ) వంటి వారు వైసీపీలో చేరడాన్ని ఎలా అర్థం చేసుకోవచ్చు?

రాజ్యాధికారాన్ని గుప్పిటపెట్టుకున్న ఈ రెండు ఆధిపత్య కుటుంబాలు… మూడో వారిని రానివ్వరు. ఎందుకంటే… కాపు, ఎస్సీ, ఎస్టీ, బీసీ, ముస్లింలకు రాజకీయాల్లోకి రాకూడదు అన్నదే ఆ కుటుంబాల్లో ఉన్న అలిఖిత శాసనం. పిచ్చికుక్కను చంపేయాలని భావించినపుడు పిచ్చికుక్క అని ముద్రవేస్తారు. కానీ… ఆధిపత్యకులాల నయవంచనను పవన్ కళ్యాణ్ మరచిపోలేదు. గోడకు కొట్టిన బంతిలా మళ్లీ రాజకీయ రంగంలోకి దూకి చావో రేవో తేల్చుకోదలచుకున్నారు.

అందుకే జనసేనతో మళ్లీ శంఖం పూరించారు. మళ్లీ అవే ఆశయాలు. సామాజిక న్యాయమే నినాదం. కులాలన్నింటినీ కలపాలి. అందరికీ రాజ్యాధికారంలో భాగస్వాములను చేయాలి. అభివృద్ధి ఫలాలు అందరికీ అందాలి. అన్నింటికీ మించి… తెలుగుదేశంగానీ, వైసీపీ గానీ ఆయా పార్టీల్లో ఉన్న రాజకీయ నాయకులుగానీ కరడుగట్టిన పెట్టుబడిదారీ మనస్తత్వానికి ప్రతీకలు. వారి కులాల్ని కాకుండా కింది కులాల్ని ఏమాత్రం సహించలేని తనం వారి నైజం. అందుకే తిరుపతి విమానాశ్రయంలో వైసీపీ ఎంపీ అవినాష్ రెడ్డి ఎయిర్ పోర్టు అధికారిని చెంప పగలగొడితే… దీనిపై చర్య తీసుకున్నది లేదు. ఒకసారి సినీ నటుడు మోహన్ బాబు కూడా విమానంలో ప్రయాణిస్తూ ఎయిర్ హోస్టెస్ పై విరుచుకుపడ్డారు. కిటికీలో నుంచి బయటకు విసిరేస్తా అంటూ ఆమెపై నోరు పారేసుకున్నారు. ఇలాంటివన్నీ అహంకారంతో చేసేవే. సమాజంలోని ఇతర వర్గాలంటే.. చిన్నచూపు. రాజకీయ నాయకులు తిట్టినా, కొట్టినా, సామాన్యుల భూముల్ని లాక్కున్నా… సామాన్య ప్రజలు ఎవరికి చెప్పుకుంటారు? పోలీసులు కూడా ఎమ్మెల్యేలూ, ఎంపీలకు వత్తాసు పలుకుతారు. అందుకే ఈ రాజకీయ నేతల దౌర్జన్యాలకు చెక్ చెప్పాలని కూడా పవన్ కళ్యాణ్ తన పార్టీని నడిపిస్తున్నారు.

ఇటీవల ఒక కుటుంబానికి చెందిన ఆస్తిని ఒక రాజకీయ పార్టీకి చెందిన మనుషులు లాగేసుకుంటే… చెప్పుకునే దిక్కులేకుండా పోయింది. ఇంటి పరిసరాల్లోకి వస్తే చంపేస్తామని బెదిరించారు. మరి ఇలాంటి రాజకీయ పార్టీల దన్ను చూసుకుని రౌడీ మూకలు ఏ భయమూ లేకుండా బెదిరిస్తుంటే కాపాడేది ఎవరు? పవన్ కళ్యాణ్ చెబుతున్నది ఇదే. రాజకీయ నాయకులు ఒకవైపు ప్రజలపై పెత్తనాలు చేస్తూ, ప్రజల్ని భయభ్రాంతులకు గురి చేస్తూ ఉంటే.. అలాంటి వారినే నెత్తిన పెట్టుకోవడం అవసరమా అన్నది ప్రశ్న.

చదువుకున్న వ్యక్తులు, ఉత్తములు రాజకీయ నేతలుగా ఉంటే… ఎలా ఉంటుంది? లేదా రౌడీలూ, నియోజకవర్గ ప్రజలను శాసించే దెందులూరు ఎమ్మెల్యే చింతమనేని వారు ఉంటే ఎలా ఉంటుంది? రౌడీయిజం ఉన్న రాజకీయ నాయకులు ఇటు టీడీపీలోనూ, అటు వైసీపీలోనూ ఉన్నారు. జనసేనలో అలాంటి చెత్త నేతలకు చోటు లేదు. అందుకే అలాంటివారు జనసేనలోకి రాలేదు. వస్తానన్నా రౌడీయిజం ఉన్న వారిని పవన్ కళ్యాణ్ దూరంగా పెట్టారు. డబ్బు ఉందన్న అహంకారం కూడా జనసేన ముందు పనికి రాదు. సేవకులుగా ఉన్న వారు ప్రజలకు సేవ చేయాల్సిందే. బూతులు తిట్టడానికీ, ప్రజల్ని హింసించడానికీ అవకాశమే లేని పార్టీ జనసేన. ప్రజల సొమ్మును 100 శాతం ప్రజలకే చెందేలా చూడగల ధీశాలి పవన్ కళ్యాణ్. సొంత ఎమ్మెల్యేలు తప్పు చేసినా శిక్షించగల మేరునగ ధీరుడు పవన్ కళ్యాణ్. అందులో సందేహం లేదు. చంద్రబాబుగానీ, వైఎస్ జగన్ గానీ… ఈ రకమైన చర్యలు తీసుకోరన్నది జగమెరిగిన సత్యం. వారు టిక్కెట్లు ఇచ్చిందే రౌడీలకు అన్నపుడు… వారి పాలన ఎలా ఉంటుందన్నది ప్రత్యేకంగా చెప్పనక్కర్లేదు.

మీడియాని అడ్డంపెట్టుకుని… పెట్టుబడిదారీ పార్టీలు ప్రజల్ని మోసం చేస్తున్నాయి. తామే ధర్మానికి ప్రతీకలుగా చెప్పుకుంటున్నాయి. కానీ అసలు వాస్తవాలు వేరు.

90 శాతం మందికి రాజ్యాధికారం దక్కాలంటే… దెబ్బకు దెబ్బ తియ్యడమే మార్గం. ప్రజారాజ్యాన్ని గొంతుకోసిన కురసాల కన్నబాబు వంటి వారిని ఓడించి ఈ ఎన్నికల్లో వారికి బుద్ధి చెప్పాల్సిందే. అలాగే… 70 ఏళ్లుగా దళిత బహుజనులను రాజ్యాధికారాన్ని దూరం చేసిన వర్గాలకు కూడా బుద్ధి చెప్పాల్సిన సమయం ఇదే. పవన్ కళ్యాణ్ ఒక వ్యూహం ప్రకారమే తన పార్టీని నడిపిస్తున్నారు. అంతిమంగా ప్రజలకు మేలు చేయాలన్నదే పవన్ కళ్యాణ్ ఆశా, శ్వాస. ఆయన చెప్పినట్లు చేయడం ద్వారా… ప్రజా కంటకుల నుంచి తెలుగు ప్రజలకు విముక్తి కలుగుతుందని చెప్పడంలో సందేహం లేదు. ఈ ఎన్నికల్లో పేద, నిమ్న వర్గాల ఆశాజ్యోతి- జనసేనదే విజయం కావాలి. అందుకు అందరూ కృషి చేయాలి. 2009 కాదు… ఇది 2019 అన్న జనసేనుడి గర్జనే స్ఫూర్తి కావాలి. ఓటు ఆయుధాన్ని అందుకోండి. అదిగో.. జన సైనికులు కదం తొక్కుతున్నారు.. విజయం వారిదే!!