గెలుపు… ‘ఒంటె’ బాబుదా? గులాబీ ‘షేకు’ దా?

December 10, 2018 | News Of 9

హైదరాబాద్‌: ఆంధ్ర రాజకీయాలకు పరిమితం కాకుండా తగుదునమ్మా అంటూ..తెలంగాణలో వేలూ కాలూ పెట్టిన చంద్రబాబు గెలుస్తాడా? లేక తెలంగాణ విముక్తి ప్రదాత కేసీఆర్ గెలుస్తాడా? ఇదీ ఇపుడు ప్రశ్న. అరబ్బీ కథ ‘‘ఒంటె-షేకు’’ కథ గుర్తుంది కదా.. ఒంటె ముందు తల పెట్టుకోనివ్వమని అడుగుతుంది. తర్వాత గుడారం మొత్తాన్నీ ఆక్రమించి షేకును బయటకు పంపుతుంది. తెలంగాణ ఎన్నికలు ఈ కథ అతికినట్లు సరిపోతుంది. 

తెలంగాణలో ప్రభుత్వం మాదేనంటూ ఎవరికి వారు ధీమా వ్యక్తం చేస్తున్న నేపథ్యంలో.. ప్రభుత్వాన్ని ఎవరు ఏర్పాటు చేస్తారన్నది మరో 24 గంటల్లో తేలిపోనున్నది. నరాలు తెగే ఉత్కంఠకు రేపు తెరపడనుంది. మరో 24 గంటల్లో తెలంగాణ అసెంబ్లీ ఎన్నికల ఫలితాలు వెల్లడికానున్నాయి. శుక్రవారం జరిగిన ఎన్నికల్లో ఓటరు తన మనోభీష్టాన్ని దాచిన ఈవీఎంలు మంగళవారం తెరుచుకోనున్నాయి. విజయంపై అన్ని పార్టీలు బయటకు ధీమా వ్యక్తం చేస్తున్నా.. లోలోపల అందరిలో టెన్షన్‌ నెలకొంది. ఫలితాలపై తీవ్ర ఉత్కంఠతో ప్రధాన రాజకీయ పార్టీలుఅభ్యర్థులతో పాటు కార్యకర్తలకు ఈ 24 గంటలూ క్షణమొక యుగంలా మారాయి. గత శాసనసభ ఎన్నికల్లో 69.5% మాత్రమే పోలింగ్‌ జరగ్గాఈసారి రికార్డు స్థాయిలో 73.2 శాతానికి పోలింగ్‌ పెరగడంపై సరైన అంచనాలు అందడం లేదు.

  • మంగళవారం ఉదయం 8 గంటలకు కౌంటింగ్‌ ప్రారంభం అవుతుంది. రాష్ట్రంలోని 119 శాసనసభ నియోజకవర్గాల్లో పోలైన ఓట్లను లెక్కించి ఫలితాలు ప్రకటించేందుకు 44 చోట్ల కౌంటింగ్‌ కేంద్రాలను ఏర్పాటు చేశారు.
  • ప్రతి కౌటింగ్‌ కేంద్రంలో 14 టేబుళ్లను ఏర్పాటు చేయనున్నారు. దాదాపు 20 నిమిషాల పాటు జరగనున్న ఒక రౌండ్‌లో ఒకేసారి 14 పోలింగ్‌ కేంద్రాల ఓట్లను లెక్కిస్తారు. ప్రతి టేబుల్‌ వద్ద ఓ పర్యవేక్షకుడుఓ సహాయ పర్యవేక్షకుడుఓ సూక్ష్మ పరిశీలకుడిని నియమిస్తారు. ఇప్పటికే కౌంటింగ్‌ సిబ్బందికి మొదటి దఫా శిక్షణ ఇవ్వగా.. సోమవారం రెండో విడత శిక్షణ ఇస్తారు. అభ్యర్థుల తరఫున కౌంటింగ్‌ ప్రక్రియను పరిశీలించేందుకు ఒక కౌటింగ్‌ ఏజెంట్‌ను లెక్కింపు కేంద్రం లోపలకు అనుమతించనున్నారు.
  • ఉదయం 8.30నుంచి ఫలితాలు షురూ!
  • ఎన్నికల ఓట్ల లెక్కింపు ఫలితాలను ఎప్పటి కప్పుడు రౌండ్ల వారీగా ప్రకటిస్తారు.
  • ఉదయం 8 గంటల నుంచి 8.30 గంటల వరకు సర్వీసుపోస్టల్‌ బ్యాలెట్‌ను లెక్కించి తొలి రౌండ్‌ ఫలితాలను ప్రకటించనున్నారు. అనంతరం ఈవీఎంలలో నిక్షిప్తమైన ఓట్ల లెక్కింపు ప్రక్రియను ప్రారంభిస్తారు.
  • బ్యాలెట్‌ యూనిట్లను కంట్రోల్‌ యూనిట్లకు అనుసంధానం చేసి రిజల్ట్‌ మీటను నొక్కగానే సంబంధిత పోలింగ్‌ కేంద్రంలో మొత్తం ఎన్ని ఓట్లు పోలయ్యాయిఏ అభ్యర్థికి ఎన్ని ఓట్లు పడ్డాయనేది స్క్రీన్‌ మీద కనిపించనుంది. లెక్కింపు పర్యవేక్షకులుసహాయకులుఅభ్యర్థుల ఏజెంట్లు తమకు అప్పగించిన దరఖాస్తుల్లో ఓట్లకు సంబంధించిన వివరాలను నమోదు చేసుకుంటారు. రిటర్నింగ్‌ అధికారి ధ్రువీకరించిన తర్వాత సంబంధిత రౌండ్‌కు సంబంధించిన ఫలితాలను ప్రకటించనున్నారు. నాలుగైదు రౌండ్ల ఫలితాల సరళి ఆధారంగా ఉదయం 9.30గంటల సమయానికే చాలా చోట్ల గెలుపోటములపై కొంత మేర స్పష్టత వచ్చే అవకాశముంది.
  • ఉదయం 11.30 గంటల నుంచి మధ్యాహ్నం 2 గంటల వరకు వరుసగా ఒక్కో నియోజకవర్గం ఫలితాలు వెల్లడికానున్నాయి. మధ్యాహ్నం 2 గంటలకల్లా రాష్ట్రంలోని 119 శాసనసభ నియోజకవర్గాల ఎన్నికల ఫలితాలు బహిర్గతం కానున్నాయి. శాసనసభ ఎన్నికల బరిలో నిలబడిన 1,821 అభ్యర్థుల్లో 119 మంది విజేతలెవరో తేలిపోనుంది.
  • సీసీ టీవీ కెమెరాల నిఘాలో మొత్తం కౌంటింగ్‌ ప్రక్రియ జరగనుంది.
  • కేంద్ర ఎన్నికల సంఘంరాష్ట్ర ఎన్నికల ప్రధాన అధికారిజిల్లా ఎన్నికల అధికారులు వెబ్‌ కాస్టింగ్‌ ద్వారా కౌంటింగ్‌ ప్రక్రియను పర్యవేక్షిస్తారు. ఓట్ల లెక్కింపు సందర్భంగా కౌంటింగ్‌ కేంద్రాల వద్ద ఎలాంటి అవాంఛనీయ సంఘటనలు చోటు చేసుకోకుండా మూడంచెల భద్రత ఏర్పాట్లు చేశారు.

స్ట్రాంగ్‌రూమ్‌ల వద్ద భద్రత కట్టుదిట్టం

  • ఈవీఎంలను ట్యాంపరింగ్‌ చేసే అవకాశముందన్న కూటమి నేతల అనుమానాల నేపథ్యంలో స్ట్రాంగ్‌ రూమ్‌ల వద్ద భద్రతను కట్టుదిట్టం చేశారు.
  • సుమారు వెయ్యి మంది పోలీసులు ఇక్కడ బందోబస్తు నిర్వహిస్తున్నారు. ప్రత్యేక బలగాల భద్రతసీసీ కెమేరాల నిఘా ఉన్నప్పటికీ కాంగ్రెస్‌ నాయకులు అనుమానాలు వ్యక్తం చేశారు. దీంతో ఎలక్షన్‌ కమిషన్‌ అనుమతితో ప్రజాకూటమి బృందాలు ఇక్కడ శనివారం సాయంత్రం నుంచి కాపలా ఉంటున్నాయి. ఆయా నియోజకవర్గాలతో పాటు స్థానికంగా ఉన్న నాయకులు రాత్రీపగలు ఇక్కడే ఉండి స్ట్రాంగ్‌ రూంలు ఉన్న కేంద్రంపై నిఘా పెట్టారు.
  • కౌంటింగ్‌ ఏజెంట్లు మంగళవారం ఉదయం 7 గంటల లోపే లెక్కింపు కేంద్రానికి చేరుకోవాలని పోలీసులు సూచించారు. ఆయా నియోజకవర్గాల రిటర్నింగ్‌ అధికారులు జారీ చేసిన పాసులతో రావాల్సి ఉంటుంది. సెల్‌ఫోన్‌లను కౌంటింగ్‌ కేంద్రంలోనికి అనుమతించరని.. కేవలం పాసులు ఉన్న వారినే లోనికి పంపిస్తారని అధికారులు వెల్లడించారు.

Other Articles

Leave a Reply

Your email address will not be published. Required fields are marked *